बचन तथा ऋण सहकारी कारोवारको आधारमा शाखा स्तरीय उत्कृस्ट कारोवार विधामा सम्मानित राष्ट्रिय सहकारी बैंकको गत पुस ३ गते सम्पन्न २१औं वार्षिक साधारण सभाको अवसरमा घोषणा गरिएको बागमती प्रदेश अन्तर्गत शाखा स्तरीय सम्मान पुरस्कारहरू शनिवार आयोजित विशेष कार्यक्रममा वितरण गरिएको छ । संस्थाका अध्यक्ष महेन्द्र कुमार गिरीको अध्यक्षतामा सम्पन्न उक्त कार्यक्रममा राष्ट्रिय सहकारी महासंघकी अध्यक्ष ओम देवी मल्ल प्रमुख अतिथि रहनु भएको थियो । उक्त अवसरमा राष्ट्रिय सहकारी बैंकले कारोबारको आधारमा “शाखा स्तरीय उत्कृष्ट कारोबार २०८१÷०८१ विधामा” डिल्लीबजार, काठमाडौं स्थित वचन बचत तथा ऋण सहकारी संस्था लिमिटेडलाई सम्मान पत्र प्रदान गरेको हो । बागमती प्रदेश स्तरीय गोष्ठी तथा सदस्य सम्मान कार्यक्रममा उक्त सम्मान प्रदान गरिएको थियो । कार्यक्रममा बचन सहकारीका अध्यक्ष मुकुन्द राज खनाल, प्रखुख कार्यकारी निर्देशक डा.देश मर्दन बस्न्यात, तथा सचिव मनोहरी तिवारीको समेत उपस्थिति रहेको थियो । त्यसैगरी, बागमती प्रदेश अन्तर्गतका अन्य शाखा स्तरमा उत्कृष्ट र नियमित कारोबार गरेका सहकारी संस्थाहरूका प्रतिनिधिहरूलाई पनि प्रमुख अतिथि तथा अतिथिहरूद्वारा दोसल्ला ओढाई कदर पत्र प्रदान गर्दै सम्मान गरिएको थियो ।