काठमाडौं डिल्लीबजारमा रहेको वचन बचत तथा ऋण सहकारी संस्था लि.ले सहकारी ऐन,२०७४, सहकारी नियमावली,२०७५,संरक्षित पूँजी फिर्ता कोष सञ्चालन कार्यविधि,२०७७ संस्थाको विनियम अनुसार आर्थिक वर्ष २०८०/०८१ को संरक्षित पूँजी फिर्ता कोषमा छुट्याएको रकम शेयर सदस्यहरुको खाता पठाएको सोही संस्थाका प्रमुख कार्यकारी अधिकृत डा.देशमर्दन बस्न्यातज्युले बताउनु भयो । उहाँले उक्त आर्थिक वर्षमा जरिवाना रकम बुझाउन नपरेका, संस्थामा मासिक रुपमा नियमित रु.१००/– जम्मा गरेका र व्याज तथा हर्जना छुट गर्न नपरेका शेयर सदस्यहरुलाई बचत कारोबारका आधारमा ४०% प्रतिशत र ऋण कारोबारका आधारमा ६०% प्रतिशत संरक्षित पूँजी फिर्ता कोषको रकम प्रदान गरिएको जानकारी दिनुभयो ।
उक्त संस्थाले आर्थिक वर्ष २०८०/०८१ मा संरक्षित पूँजी फिर्ता कोषमा रु. ७,६२,८०१।–(अक्षेरुपी सात लाख बैसठ्ठी हजार आठ सय एक रुपैंया मात्र ।) छुट्याएको जनाएको छ । त्यस आर्थिक वर्षमा गरेको बचत तथा ऋण कारोबारका आधारमा सो संस्थाका शेयर सदस्यहरुलाई संरक्षित पूँजी फिर्ता कोषको रकम उहाँहरुको खातामा जम्मा गरेको जानकारी गराउनु भयो ।
